г-дин Игор Димитров
Претседател на Управен одбор

Претседателот на Управниот Одбор на Силк Роуд Банка АД Скопје, Игор Димитров на оваа позиција доаѓа во месец јули 2020 година, а претходно е член на Управниот одбор, од септември 2019 година. Во тимот на Силк Роуд Банка се приклучува од март 2019 година како Директор на службата за правни работи, усогласување со прописи и спречување перење пари.
Пред доаѓањето во Силк Роуд Банка, неговата кариера почнува во Владата на Р. Македонија во областа на економските политики и регулаторните реформи, во периодот од 2006 до 2009 година. Кон средината на 2009 година својата кариера ја продолжува во Министерството за финансии, како раководител на Секторот за правни работи и Државен советник за правни прашања, а од септември 2014 до средината на 2017 година ја извршувал функцијата Државен секретар.
Во овој период бил член на Надзорниот одбор на Македонската банка за поддршка на развојот (МБПР), а последователно и член на Управниот одбор на Агенцијата за супервизија на капитално финансирано пензиско и инвалидско осигурување (МАПАС). Во периодот од 2017 година до приклучувањето во Банката својот ангажман го посветил во адвокатурата.

г-дин Емил Бухов
Член на Управен одбор

Емил Бухов се приклучува како член на Управниот одбор на Банката од 2020 година. Својата кариера ја започнува во Тетекс Банка АД Скопје во 1996 година како Референт за корпоративно кредитирање, а од 1998 година работи на позиција Директор на Револвинг кредитен фонд –ИФАД, во рамките на Инвестбанка АД Скопје.
Од 2007 ја обавува функцијата Директор на Секторот ризици, во Шпаркасе Банка АД Скопје. Од Јули до Септември 2007 дополнително е ангажиран како консултант за финансии и сметководство во процесот на формирање на ИПАРД – Агенцијата за финансиска поддршка.
Од 2014 до 2019 ја обавува функцијата Финансов Директор во Сардич МЦ Дооел Скопје најголемата гринфилд инвестиција во областа на рударството во последните 30 години.