Правни лица > Платежни услуги во земјата
Платежни услуги во земјата
Платежни услуги во земјата
Силк Роуд Банка АД Скопје, како давател на
платежни услуги, извршува платежни
трансакции засновани на кредитен трансфер помеѓу платежни сметки во рамки на
Банката, како и безготовински трансакции кон сметки кај други Даватели на
платежни услуги.
Реализирањето на кредитните трансфери се
извршува преку два система на порамнување:
МИПС - Македонски интербанкарски платежен систем преку кој се извршуваат меѓубанкарски плаќања на поголеми износи над МКД 1.000.000,00 и итни кредитни трансфери кои се порамнуваат во реално време; и
- КИБС - Клириншки интербанкарски систем преку кој се врши трансфер на средства на мали плаќања во денари во висина до МКД 1.000.000,00.
Извршувањето на платежните налози помеѓу депоненти на Банката се реализира во моментот на обработка на платниот налог.
Корисникот на платежни услуги може да има:
денарска платежна сметка кај повеќе Даватели на платежни услуги; и
повеќе денарски платежни сметки кај еден Давател на платежни услуги.
| Опис на услугата на Банката | Прием и извршување налози Готовинска уплата/исплата |
| Oд понеделник до петок | од 08.30 до 16.00 часот |
| Безготовински налози со тековен пресметковен ден | |
| Налози преку КИБС: Од понеделник до петок | од 08.30 до 14.00 часот |
| Налози преку МИПС: Од понеделник до петок | од 08.30 до 16.00 часот |
| Интерен клиеринг | |
| На шалтер: Од понеделник до петок | од 08.30 до 16.00 часот |
| Преку дигитални канали: Од понеделник до недела | со тековен пресметковен ден од 00.01 до 20.00 часот со нареден пресметковен ден од 20.30 до 00.00 часот |
Отворање на денарска платежна сметка
Отворање на платежни сметки на правни лица –
резиденти како и и физички лица кои вршат регистрирана дејност, се врши врз основа на следната документација:
Решение за упис во трговскиот регистар, односно во регистар на надлежен орган на РМ (ако уписот во регистар е пропишан со закон)
- ЗП образец (заверен потпис на законскиот застапник кај нотар), оригинал
- Тековна состојба на вистински сопственик
Документацијата се доставува во Банката во
оригинал или копија заверена на нотар за проверка на податоците, по што Банката
задржува копија од документите и ги чува трајно во својата архива.
Заедно со горенаведените документи, правното
лице ги пополнува и потпишува следните документи:
Барање за отворање, промени и затворање на платежна сметка
Рамковен договор
Општи услови - платежна сметка
Апликација за овластени лица за располагање со средства на сметката
Апликација за идентификација / ажурирање на правно лице
По потпишувањето на договорот од двете страни,
ново отворената сметка се активира и преку неа може да се извршуваат платежни
трансакции откако ќе се пријави во
регистарот на сметки (ЕРС).
При отворање втора или секоја наредна сметка,
потребно е да се достави Барање за отварање на платежна сметка, како и
документација за овластените потписници на правното лице
Учесникот во платниот промет е должен писмено
да ја извести Банката за сите настанати статусни и други промени најдоцна во
рок од три дена од денот на настанатите промени.
Барање
Апликација за овластени потписници
Апликација за идентификација и ажурирање
Извршување на кредитен трансфер
Кредитните трансфери се извршуваат од сметката
на клиентот до износот и условите определени од правното лице. Клиентот може да
одреди приоритет на извршување на платежните инструменти што ги доставува во
Банката за извршување.
Платежниот инструмент задолжително е потпишан
од страна на овластените потписници на сметката, согласно Апликацијата за овластени лица за располагање со средства на
сметката.
Безготовинските кредитни трансфети се извршуваат со доставување:
- на шалтерите на Банката, за платни инструменти во хартиена форма
- преку електронско банкарство.
За платежни трансакции во готовина:
-- - уплатница - образец ПП10
- - налог за исплата на готовина - образец ПП40
За безготовинаски платежни трансакции:
- - налог за пренос - образец ПП30
- - налог за плаќање јавни приходи -
образец ПП50
- збирен налог за исплата на плата -
образец ПП53.
Користење на приливи
Сите приливи на сметките на клиентите на Банката можат да се користат веднаш по нивното пристигнување.Приливите можат да бидат:
- интерни приливи (од сметка на депонент или од сметка на Банката)
- приливи преку КИБС или МИПС (приливи од други банки или институции).
Интерните приливи и приливи преку МИПС пристигнуваат во текот на целиот работен ден и се на располагање веднаш по нивното пристигнување. Приливите преку КИБС пристигнуваат по завршување на порамнувањето (по 15:00 часот).