Критериуми за квалификување за иновации

(i)        компанијата е МСП кој има намера да го искористи кредитот за да инвестира во производство, развој или имплементирање на нови или значително подобрени (i) производи, процеси или услуги или (ii) методи за производство или испорака или (iii) иновации во организацијата или процесите, вклучувајќи бизнис модели кои се иновативни, а каде што постои ризик од технолошки, индустриски или деловни неуспеси, како што е потврдено со проценката спроведена од надворешен експерт;

(ii)    компанијата е „брзорастечко претпријатие" кое дејствува на пазарот помалку од 12 години и има просечен годишен внатрешен раст кај вработените или во прометот поголем од 20% годишно, во текот на тригодишен период и има десет или повеќе вработени;

(iii)     компанијата работи на пазарот помалку од 7 години, а трошоците за Истражување и Развој (И&Р) претставуваат најмалку 5% од вкупните оперативни трошоци во најмалку една од трите години пред апликацијата на компанијата за кредит;

(iv)     компанијата е МСП коешто има значителен потенцијал за иновации или да биде „претпријатие со интензивни И&Р", задоволувајќи барем еден од следниве услови:

(а) годишните трошоци за И&Р на компанијата изнесуваат или надминуваат 20% од висината на кредитот на компанијата согласно последните задолжителни финансиски извештаи на крајниот примач, под услов бизнис планот на компанијата да покажува зголемување на трошоците за И&Р, барем еднакви на износот на кредитот;

(б) компанијата се обврзува да потроши износ кој изнесува најмалку 80% од износот на кредитот за активности за И&Р, како што е наведено во неговиот бизнис план, а остатокот на трошоците се потребни да се овозможат таквите активности;

(в) компанијата формално добила грантови, заеми или гаранции од европските шеми за поддршка на И&Р (на пример, Хоризонт 2020 или FP7) или преку нивните инструменти за финансирање (на пр. Заеднички технолошки иницијативи или „Еуростар") или регионални, национални шеми за поддршка на истражувањата или иновациите во последните триесет и шест (36) месеци, под услов кредитот да не го покрива истиот трошок;

(г) компанијата добила во последните дваесет и четири (24) месеци награда за И&Р или награда за иновација дадена од институција или тело на ЕУ;

(д) компанијата има регистрирано најмалку едно технолошко право (како што е патент, употребен модел, право на дизајн, топографија на полупроводнички производ, дополнителен сертификат за заштита на лекови или други производи за кои може да се добијат такви сертификати за дополнителна заштита, сертификат за одгледување на растенијата или софтверски авторски права) во последните дваесет и четири (24) месеци, а целта на кредитот е да овозможи директно или индиректно користење на ова технолошко право;

(ѓ) компанијата е МСП во рана фаза и има добиено инвестиција во последните дваесет и четири (24) месеци од инвеститор во заедничко вложување или од бизнис ангел кој е член на мрежа на бизнис ангели; или таквиот инвеститор во заедничко вложување или бизнис ангел е акционер во компанијата во моментот на поднесување на апликацијата на барањето за кредит;

(е) компанијата бара инвестиција за финансирање на ризик која, врз основа на бизнис план е подготвена за воведување на нов производ или влез на географски пазар, и е поголема од 50% од неговиот просечен годишен промет во претходните 5 години;

(ж) трошоците на компаниајта за И&Р претставуваат најмалку 10% од вкупните оперативни трошоци во најмалку една од трите години пред апликацијата на компанијата за кредит, или во случај на претпријатие без финансиска историја, според неговите тековни финансиски извештаи;

(з) фирмата е компанија со мала или средна капитализација и неговите трошоци за И&Р претставуваат:

(A)          или најмалку 15% од вкупните оперативни трошоци во барем една од трите години пред апликацијата на фирмата за кредит;

(B)          или најмалку 10% од вкупните оперативни трошоци во трите години пред апликацијата на фирмата за кредит;

(и) фирмата има направено трошоци за И&Р кои се квалификувале во последните 36 месеци кај надлежните национални или регионални тела или институции за дел од општите мерки за поддршка одобрени од Европската комисија, наменети за поттикнување на компаниите да инвестираат во И&Р, под услов i) таквото тело или институција да е независно од Банката и компанијата и ii) кредитот опфаќа инкрементални трошоци како што е наведено во бизнис планот на компаниајта и iii) кредитот не ги покрива истите квалификувани трошоци кои се веќе поддржани од горенаведените мерки; или

(ј) фирмата е назначена во изминативе 36 месеци како иновативна компанија од страна на ЕУ или национална или регионална институција или тело, под услов во секој случај

(C)          назначувањето да се заснова на јавно достапни критериуми при што таквите критериуми:

·                                             не се ограничени или на друг начин наклонети на одредена индустрија или сектор, и

·                                             одразуваат барем еден од критериумите за квалификување за иновации, освен критериумите за квалификување за иновации наведени во точка (iv)(г) или пак ја одразуваат суштината на барем еден од овие критериуми, но не се помалку строги; и  

(D)          телото или институцијата се независни од Банката и компанијата; и

(E)          трансакцијата на краен примач ги опфаќа инкременталните трошоци како што е наведено во бизнис планот на крајниот примач.

Забранети сектори - Незаконски економски активности

Секое производство, трговија или друга активност коишто се нелегални согласно законите или прописите од домашната судска надлежност за такво производство, промет или активност („Незаконска економска активност"). Човечкото клонирањето заради репродуктивни цели се смета за незаконска економска активност.

1.           Тутун и дестилирани алкохолни пијалаци

Производство и трговија со тутун и дестилирани алкохолни пијалаци и слични производи.

2.           Производство и трговија со оружје и муниција

Финансирање на производство и трговија со оружје и муниција од секаков вид. Ова ограничување не се применува до степен до кој таквите активности се дел или придружни на експлицитни политики на Европската унија.

3.           Казина

Казина и еквивалентни претпријатија.

4.           Ограничувања за информатичкиот сектор

Истражување, развој или технички апликации кои се однесуваат на електронски програми или решенија за податоци, кои:

 (i)      имаат за конкретна цел:

 (а)   поддршка за секоја активност вклучена во забранетите сектори од ЕИФ наведени од 1. до 4. (вклучително) погоре;

 (б) интернет игри на среќа и онлајн казина; или

 (в)   порнографија,

или кои:

 (ii)     се наменети да овозможат илегален:

 (а)   влез во мрежи за електронски податоци; или

 (б) симнување на електронски податоци.

5.           Ограничувања во секторот за науки за животот

Кога обезбедуваат поддршка за финансирање на истражување, развој или технички апликации во врска со

 (i)      човечко клонирање за истражувачки или терапевтски цели; и